Дар ташкилоти ибтидоии «Сабту танзим» бо иштироки роҳбари маркази иттилоот ва таҳлил дар дастгоҳи Кумитаи иҷроияи марказии ҲХДТ Наимов Маҳмадулло Раҳимович ва Раиси Кумитаи иҷроияи ҲХДТ дар ноҳияи Шоҳмансур Гулаҳмадзода Зулфиқор Аҳмад маҷлиси ҳисоботӣ – интихоботӣ доир гардид. Дар рафти маҷлис натиҷагирӣ аз фаъолият ва дастовардҳои ташкилоти ибтидоии «Сабту танзим», омодаги ба ҷашни 30-солагии Истиқлолияти давлатии Ҷумҳурии Тоҷикистон, тақвият бахшидани фаъолияти сиёсии ташкилоти ҳизбӣ ва ғайраҳо ироа гардида маҷлис қаноатбахш ҳисобида шуд. Сипас ба ҷонибдории аъзоёни раёсат, раиси ташкилот, муовини ӯ ва котиби масъул якдилона аз тарафи иштирокдорон овоз дода шуд. Аз тарафи намояндагон Наимов Маҳмадулло Раҳимович ва Гулаҳмадзода Зулфиқор Аҳмад қайд гардид, ки аъзоёни ташкилоти ибтидои «Сабту танзим» дар ҳамаи чорабиниҳои сиёсию- фарҳангӣ саҳмгузор мебошанд. Дар интиҳо ба як қатор кормандон, ки ба аъзогии ҲХДТ қабул шудаанд, шаҳодатномаи ҳизби супорида шуд .
